Балигъ булмаган балалар өчен салымнарны ата-аналар түли.

Авыл җирлеге бюджеты хезмәткәрләре территорияләрне чистарту эшен дәвам итә.

2024 елның 1 апреленнән социаль пенсияләр 7,5%ка индексацияләнәчәк. Социаль пенсия (картлык буенча, инвалидлык буенча, туендыручысын югалту уңаеннан, ата-анасы билгеле булмаган балаларга) хезмәткә яраксыз гражданнарга билгеләнә. «Россия Федерациясендә дәүләт пенсия тәэминаты турында» Федераль законның 25 статьясы нигезендә социаль пенсияләр, узган елда Россия Федерациясендә пенсионерның яшәү минимумы үсеше темпларын исәпкә алып, 1 апрельдән башлап ел саен индексацияләнә. Социаль пенсияләрне индексацияләү коэффициенты Россия Федерациясе Хөкүмәте тарафыннан билгеләнә. Шулай ук социаль пенсияләр күләмен индексацияләгәндә 1 апрельдән хәрби хезмәт узган хәрби хезмәткәрләрнең пенсияләре, аларның гаилә әгъзаларының пенсияләре, ирекле формированиеләрдә булган гражданнарның пенсияләре, Бөек Ватан сугышында катнашучыларның пенсияләре, "Блокададагы Ленинградта яшәүчегә" билгесе белән бүләкләнгән гражданнарның пенсияләре, "Севастополь кешесе" тамгасы белән бүләкләнгән гражданнарның пенсияләре арта.

Авыл җирлеге бюджеты хезмәткәрләре территорияләрне чистарту эшен дәвам итә, бүген юл буен чүп-чардан чистарттылар.

2023 елда Россия Социаль фондының Татарстан бүлеге ким дигәндә 37 ел хезмәт стажы туплаган хатын-кызларга һәм кимендә 42 ел эш стажы булган ир-атларга 1500дән артык пенсия билгеләде. Озак еллар стаж туплап эшләгән өчен, алар пенсиягә  билгеләнгән пенсия яшеннән ике елга алдарак чыкты. Пенсиягә вакытыннан алда чыгу өчен  стаж исәпләгәндә,  Россиядә эшләү чорында аның өчен мәҗбүри пенсия һәм социаль иминиятләштерү фондларына иминият кертемнәре исәпләгән һәм түләгән  чорлар,  шулай ук түбәндәге периодлар  гына кертелә: вакытлыча хезмәткә яраксызлык буенча пособие алу вакыты;  чакырылыш буенча хәрби хезмәт узу чорлары; хәрби хезмәт узганда яки ирекле формированиедә булу вакытында махсус хәрби операциядә катнашу чорлары иминият стажында икеләтә күләмдә санала. Шуны да исәпкә алырга кирәк, гомуми иминият стажына кертеп исәпләнелә торган кайбер социаль әһәмиятле чорлар бар, әмма алар вакытыннан алда пенсиягә чыгу хокукы бирә торган  стажга  кертелми. Әлеге  чорлар:  яшь ярымга кадәр балаларны тәрбияләү; хезмәткә сәләтсез гражданнарны карау;  эшсезлек буенча пособие алу периоды. "Күпме  стаж тупланганын белү  өчен, гражданнар шәхси счеттан өземтә соратып ала алалар.  Моны электрон рәвештә "Дәүләт хезмәтләре" порталындагы шәхси кабинетта, яисә кпфункцияле үзәк офисына яки фондның клиент хезмәтенә мөрәҗәгать итеп эшләргә мөмкин ", - дип ачыклык кертте Татарстан буенча Социаль фонд бүлеге идарәчесе Эдуард Вафин. Россия Социаль фонды контакт-үзәгенә 8-800-1-00000-1 номеры буенча шалтыратып ,озак еллар эшләгән өчен   вакытыннан алда пенсиягә чыгу шартлары турында өстәмә консультация алырга мөмкин.